INSPIRASJON

Forteljingane som ligg litt under overflata interesserer meg, det som ikkje blir sagt, hemmelighaldet og familietragediene som ingen snakkar om.

Eg leitar etter eit uttrykk som kan vise desse forteljingane. Eg jobbar med objekt henta frå dagleglivet. Med endringar i form og overflate peikar eg på det som folk kanskje ikkje vil vise fram. Slik set eg fokus på relasjonar, og mi eiga familiesoge. 

Eg set lys på ting som eg ikkje likar, på område eg meiner det blir, eller har vorte gjort urett.

TAUSE STEMMER

Er det mogleg å sjå tause stemmer? Saman med kunstnarane Marjan Dijkstra og Elisabeth Hatlehol Sairosi arbeider eg med ulike tilnærmingar til temaet. Me kom saman i Mottaket i juni 2024 for å prøve ut dette, og der kunne du oppleve våre kunstneriske uttrykk side om side. Utstillinga “Tause Stemmer” er no å sjå ved Volda og Ørsta Kunstlag.

Historiene me fordjupar oss i er ulike. Eit fellestrekk er å gjere synleg stemmene til marginaliserte grupper som ikkje har hatt moglegheit til å snakke, delta, eller ytre seg i samfunnet på lik linje med andre. Kan me høyre rop frå dei stemmelause? Publikum får møte grafiske verk, skulpturar med stolar, og installasjonar med stolar og nylonstrømper.

Det var kunstnersamtale ved Ørsta Kunsthus i høve opninga, og der me fortalde meir om prosjektet vårt.

‘

Bakgrunnsfoto av Pindestol No 9

Mottaket 2024

Karina Tene